Club de Ciencia de Guntín

  Para intentar que a volta ás clases fora o máis doce posible, estrenamos o ano no Clube de Ciencias facendo un experimento moi sinxelo e á vez didáctico e vistoso! Observamos como o azucre coloreado que recubre uns deliciosos snacks de chocolate se disolvía en auga formando uns preciosos arcos da vella. Estas biomoléculas orgánicas que tanta enerxía e alegría nos proporcionan son solubles en auga e con esta doada práctica puidémolo comprobar!. Se o azucre non estivera coloreado con colorantes alimentarios non poderíamos ver cos nosos propios ollos como se disolven estes deliciosos glícidos.

  As últimas semanas antes das vacacións de Nadal estivemos moi entretidos indagando sobre o concepto matemático dos fractais, eses hipnotizantes obxectos xeométricos cuxa estrutura básica repítese a diferentes escalas. En concreto empregamos os triángulos de Sierpinski para construir una "árbore" navideña a partir de pirámides ou tetraedros regulare. O resultado foi moi chulo...e resistente (como ben puidemos comprobar ó facer forza sobre el e ver como se repartían as tensións ó longo da estrutura sen danala)

Cando dende o Club de Ciencia valoramos a posibilidade de adoptar a un grupo de amigos con branquias puxémonos mans á obra e fixemos os calculos matemáticos pertinentes para saber que cantidade de auga necesitaríamos para a nosa flamante peceira e ademais de limpala a fondo estivemos preparando a calidade da auga para previr o crecemento das algas e bacterias para axudar ó mantemento do acuario.

 Hoxe no noso clube científico aprendimos o resistentes e eficientes que poden ser as cúpulas xeodésicas que encontramos en construcións como a Spaceship Earth en Bay Lake, Florida e vivendas acolledoras e enerxéticamente moi sostibles que xa se están empregando como solución constructiva noutros continentes. Parece increible que a mera repetición dunhas sinxelas figuras xeométricas poida dar tanto de si!  Pola maña que se deron parece que o Club de Ciencias de Guntín alberga a moitas das mellores arquitect@s e enxeñeir@s do mañá! 🏠

  Comezamos a nosa andadura científica neste Clube de Ciencia do curso 2024-2025 cun experimento sinxelo pero moi esclarecedor e colorido….unha TORRE DE LÍQUIDOS! Nela observaremos como os fluídos se colocan nunha torre sen mesturarse en función da súa densidade: os máis densos ó fondo e os menos densos cara a superficie. Canto máis denso é un líquido máis peso vai ter no mesmo volume. Así o mel e o xabón quedarán na base da nosa torre e o alcohol e aceite na superficie. Ademais, para conseguir un resultado máis vistoso tinguimos os líquidos incoloros como a auga e o alcohol con colorantes para poder diferencialos ben!

MUNDO MICROSCÓPICO Estes días no Club de Ciencia estivemos facendo cultivo microbiolóxico en placas Rodac, que son placas de contacto e foi moi interesante ver toda a cantidade de microorganismos que temos ao noso arredor!! 😳 O que fixemos foi elixir unha superficie cada un e poñela en contacto cunha placa antes e despois de limpiala con alcol para ver se se notaba a diferenza! Eliximos probar nunha porta, na parede do laboratorio, nunha mesa e por suposto, na nosa pel!! Os resultados foron increíbles! Dimos fe tamén de que en xeral estaba todo bastante limpito!! 😉

O CLUB DE CIENCIA EN ASTURIAS Os días 2 e 3 de abril o Club de Ciencia foi de excursión a Asturias acompañados por Laura, a profe de Historia. Pasámolo moi moi ben!! Estivemos en Cudillero e Gijón, onde fomos visitar o Acuario Bioparque e a Vila romana de Veranes. Foi unha excursión inesquecible!! 😍

CORES DE DENSIDADES Hoxe no Club de Ciencia estivemos facendo un experimento sobre densidades. Para iso utilizamos unha mestura de auga e sal en proporcións distintas que probaron os alumnos tinguidas con diferentes colorantes e bueno, algúns tiveron máis exito que outros co resultado! Pero como sempre dicimos, os resultados regulares tamén son positivos, porque sempre aprendemos algo! 😊 Por certo, últimamente Sara non puido vir e botámola moito de menos! Esperamos que volva pronto! 😍